2Cor 10 | PONPDN | STEP | ARI pein nai Paulus men panaui komail nin tiak en opampap o limpok en Kristus; pwe ni ai mi nan pun omail, i kin aktikitik, a ni ai doo wei ian komail, i kin kelail on komail

2 Corinthians 10

1 ARI pein nai Paulus men panaui komail nin tiak en opampap o limpok en Kristus; pwe ni ai mi nan pun omail, i kin aktikitik, a ni ai doo wei ian komail, i kin kelail on komail 2 A i kin kapakapeki, pwe i ender kelail ni ai pan korendo; pwe i kileledier o lamelame, me I pan kelail on akai, me kin wia kin kit men kekeideki tiak en pali uduk. 3 Pwe melel, se kin mimita nan uduk, ap sota pepei ni tiak en uduk. 4 Pwe kapwa en at pei kaidin men ni pali uduk, pwe me manaman mon Kot, me mau on kawela wasa teneten kan. 5 Ni at kin kawela me akapun o me aklapalap, me kin palian erpit en Kot; o kit kin saliedi son en lamelam karos, pwen oke Kristus. 6 O audaude on kaloedi me katiwo karos, omail peik lao pwanokadar. 7 Komail kin kilekilan meakan me sansal? Ma amen lamelame, me pein i sapwilim en Kristus, I en pein lameda, me kit pil sapwilim en Kristus dueta i. 8 Pwe ma i pan suaiki laude san at manaman, me Kaun o kotiki on kit, pwen kamaui a kaidin kawe komail la, i sota pan namenokki. 9 Pwe ender sansal duen amen me men kamasak kin komail nai kisin likau kan, 10 Pwe irail me inda: Kisin likau kan me kasampwal o manaman, a sansal en pali war a me luet, o a padak me mal kot. 11 A me duen met a en asa duen at kin inda nan kisin likau kan ni at doo wei san komail, iduen pein kit ni at wiawia kan nan pun omail. 12 Pwe kit sota man mauki waroki on me kin suaiki pein irail; a irail me sololekon, pweki ar soson pein irail nan pun arail. 13 A kit sota men suaiki me laud san me kon on, a duen men son eu, me Kot kotin pan on kit, son eu, me itar lel on komail. 14 Pwe kit sota inon ion, me sota kon on, dene se sota pwar won komail er, a se pil walan komail ronamau en Kristus. 15 Kit sota kin suaiki me laud san me kon on, dene se suaiki en amen a dodok. A se kaporoporeki omail poson lao kakairida, at dodok pil pan laud san re omail, 16 Pwen pil padaki ronamau nin sap akan palila san komail, a kaidin wasan dodok on amen o sota suaiki me wiauier. 17 A ma amen men suaiki, I en suaiki Kaun o. 18 Pwe kaidin i meakot, me kin kapina pein i, pwe i eta, me Kaun o kin kapina.